معجزه لتماف ايرينى جميله جداااااااااااا

انا وخطيبي كنا معزومين في فرح واحده قريبته وقررنا نروح الحنه بعربيته هوه واسيب عربيتي في البيت والفرح كان في شارع الثوره بالمعادي ويوميها اختلفت انا وخطيبي لأسباب شخصيه وقررت أترك المكان وامشي لوحدي وعرض عليا يوصلني قلتله اسفه انا اقدر اروح لوحدي وقررت الأنفصال منه تمامأ وقلعتله الدبله ومشيت وانا في حاله انهيار واخدت تاكسي ومشيت ونا في السكه خفت لان الساعه كانت اكترمن 2 بليل وطلبت من التاكسي يوصلني لموقف الميكروباس ونزلت ركبت ميكروباس متجه للهرم، فيصل وكانت قاعدين جمبي اتنين واحده محجبه لبسه اسود وشاب معاها وبدات تتكلم معايه وتقلي ماشيه لوحدك لي بنتي في الوقت المتأخر ده اعدت اقول في بالي سبيني في حالي انتي متعرفيش حاجه وفي الوقت نفسه كنت بكلمها اي كلام علشان ميبانش عليا اني منهاره ولي فكره هيه قلتلي ايه ولي انا قلتها ايه بس حبيت اقصر الكلام معاهالاني كنت ديخه جدأ وصوابع ايدايه بدات في تشنجات عمرها محصلتلي قبل كده، قلتلي انا خايفه علي مصلحتك وانتي مش طيقاني وقالت للسواق نزلني ياابني هنا نزلها هيه والشاب الي كان معاها وبصيت لقيت الميكروباس كله فضي ومكنش فيه غير السائق وواحد صحبه كان راكب معاه سعتها خفت اكتر واتمنيت ان الست دي مكنتش نزلت وحولت امسك نفسي علشان ميخدوش بالهم اني منهاره بس هما حسو بيا وقلولي انتي كويسه ولي ايه وسمعت منهم بعض كلمات تخوف والموبيل كان بيرن ومكنتش برد عليه وفعلأ بدي الشاب الي مع السائق يعكسني ويقلي متردي وكلام خارج وطلبت من السائق ينزلني لاكن الي معلش متزعليش احنا هنوصلك ولاكن مكنت مصدقه لانه كان ماشي في طريق معرفهوش وفجئه لقيت عربيه شرطه بتوقف الميكروباس ونزل منها اتنين ظباط واتنين امناء شرطه واخدو التنين معاهم في العربيه بتهمه احراز مخدرات وتعاطيها وعرفت ان السائق كان مطلوب في جنايه كبيره وسألوني كام سؤال وقلولي هنوصلك وفعلأ وصلوني وقلولي لولي الست وابنها الي كانو ركبين معاكي بلغونا ان العيال دي معاها مخدرات وممكن يئزوكي الله اعلم كان بقي مصيرك ايه قلتله شكلها ايه الست دي قلي الي محجبه ولآبسه اسود في اسود فرد الأمين وقلو لا يا باشا دي كانت لبسه صليب كبير دي مسيحيه وسعتها عرفت مين هيه الي كانت راكبه معايه ووصلتني لحد البيت يمكن انا مش عرفه مين الي كان معاها كويس لاكن انا متأكده منها لاني قارنت كلمها في بالي بصوتها الي في التسجيلات بتعتها
[size=25]جينا غالي 5/9/2008
بركت شفاعتها تكون معانا كلنا تفرح قلوبنا و تتشفع عنا قدام عرش اللة تزكار النياحة يوم الجمعة 31-10-2008[/size]

» ترنيم جميله لتماف ايرينى
» صور لتماف ايرينى
» كليبان لتماف ايرينى
» معجزه للعزراء مريم
» تماف ايرينى حياه الشركه فيديو استقبال تماف ايرينى بعد رحله