اسندني في ضعفي‏

مهما ضعفى امتلكنى واتسرب فيا الياس
انت فى عينيك شايفنى ابنك جبار البأس

وفاتح ليا حضنك وشايل منى الخوف
وبكلمه وعد منك بهزم ربوات والوف

اسندنى فى ضعفى واسمع لصلاتى
اللهم ارحمنى انا الخاطئ


ومهما بعدنا عنك تفضل معانا تحاول
بتخلق فينا بولس ويموت جوانا شاول

مانا زى السامريه جايلك والضعف مالينى
عطشان وعاوز اشرب ومفيش غيرك يروينى


رغم الخطيه هرجع بدموعى اترجاك
مستنى منك اسمع مغفورة ليك خطاياك

مانا ابنك صنع ايديك وكلامك ليا ميراث
تفضل عينى عليك وايدى على المحراث