هو عارف احتياجك

هو عارف احتياجك



تخيل نفسك اب وابنك كل يوم يجي يقولك انا عاوز اكل شيكولاته وشيبسي وكاراتيه وانت فعلا بتجيبله اللى هو عاوزه ولكن انت لقيت انه مش بيكبر وصحته مش كويسه طبعا هتمنع الاكل ده او على الاقل هتقلل منه وساعتها طبعا القيامه هتقوم بالنسباله وهيفضل يعيط ويخبط في الببان ويكسر فى الحاجات ويقولك انت بابا وحش ومش بتجيبلى اى حاجه انا بحبها وبتجبلي اكل وحش انا مش بحبه انت مش بتحبني علشان لو بتحبني هتجبلي اللى انا عاوزه وساعتها قدامك اختيار من اتنين اما تجيبله الاكل اللى هو عاوزه وساعنها انت بتدمر صحته او هتسيبه يتكلم ويعمل اللى هو عاوزة وبرضه هتخلية ياكل الاكل اللى يفيد صحته وساعتها هو هيبقي كارهك جدا بس لما تمر سنين ويكبر ويفتكر هيضحك على نفسه وقد ايه كان بيحب الاكل الوحش اللى مش مغذى وبيجري وراه وسايب الاكل المغذى اللي بسبب ان بابا كان بيغصب عليه ويديهوله هو دلوقتى كبير وصصحته كويسه عارفين اوقات كتير احنا بنعمل كده مع الله ونقول عليه مش عارف احنا عاوزين ايه ومش عاوز يسعدنا لكن الحقيقه انه ساعات بيمنع عننا حاجات احنا شايفين انها حلوه ولكن في الحقيقه هي مش بتكبرنا وكمان بتضرنا هو عارف احنا عاوزين ايه والاهم هو عارف احنا محتاجين ايه ومع التخيل اللى فات اعتقد عرفتوا الفرق بين انا عاوز ايه وانا محتاج ايه خليكوا واثقين ان الرب عارف الاتنين ويقدر يسدد الاتنين ولكن هو بيدى اولويه لتسديد الاحتياج وطبعا بيسدد الاعواز ولكن الللى لخيرنا تعالوا نصلي ان ربنا يفتح عنيينا على احتياجنا الحقيقى ليه ونصلي ان يسدد كل احتياجتنا واعوازنا اللى تكبرنا وتاكد انه لو ما ردش على اجتيج او عوز ممكن يكون دة مش وقتها او ان الطلب ده مش لخيرك واخيرا نصلى اننا نقدر نثق فيه ونحبه ونخضعله مهما حصل
امين


صلوا من اجلى